Jodi samdi 8 oktòb 2022 a, bandi ki fè pati gang Izo ap dirije nan Vilaj de Dye a pase pa lanmè epi atenn Simonè, yon lokalite nan zòn pò Lafito kote yo lanse yon atak sou moulen Dayiti (ansyen Minotri Dayiti). Atak la fèt vizavi zòn franch ki Pò Lafito a nan sòti Nò Pòtoprens, daprè sa Nouvelis ekri.
Ajan sekirite Moulen an riposte ak mesye yo. Atak yo trè konsiderab e yo afekte espas la anpil. Selon enfòmasyon yo, Lapolis pat menm ka rive bay ajan serikite yo yon kout men. Sa fè plizyè fwa bandi yo pase pa lanmè pou atake zòn sa a. N ap raple se nan menm limit sa a yo te kidnape PDG Paryaj Pa m nan mwa pase a.
