Kettia Félix gen 28 lane, li se yon migran ki te jwenn lanmò l nan yon nofraj Bato nan peyi Bahamas. Kettia gen yon mwa nan mòg Lopital Prensès Magarèt, kadav li pako ka antre nan tè daprè sa jounal Guardian Nassau ekri.
Diego Félix, yon frè defen an ki gen 30 lane e ki se polisye nan peyi Dayiti fè konnen li pa ka jwenn viza peyi Bahamas pou l al reklame kadav sè li k ap bwè glas depi yon mwa. Kettia Félix se youn nan 17 moun ki te mouri nan yon operasyon rate aprè kèk moun t ap tante fè trafik avèk yo pou al livre yo.
