Ansyen direktè jeneral PNH la, Mario Andrésol pataje sou kont “Facebook” li, yon mesaj li te poste nan lanne 2019. Daprè ansyen direktè a chak operasyon rate kont yon bandi ranfòse bandi a, sa fè tout apranti bandi anvi vin gwo bandi pou l taye banda menm jan ak tout sa ki te bandi deja.
“Chak Operasyon rate kont yon bandi, ranfòse bandi. Sa fè tout ti apranti bandi anvi vin gwo bandi pou l taye banda menm jan ak tout sa k te bandi deja. Se sak fè jounen jodi a nou gen bandi eli, bandi nome, bandi mandate, bandi Ofisyèl, bandi gran chimen, gwo bandi, ti bandi, men tout bandi se bandi, aba bandi, bandi edmi”, deklarasyon Mario Andrésol.
Nan plizyè kòmantè, anpil moun ap mande pou M. Andrésol ta tounen nan tèt polis la, yon avi ansyen DG a pa pataje, men fè konnen li prè pou l ede gratis ti cheri, li pa bezwen tounen nan plas la pou sa.
Anpil sitwayen pale de ansyen DG a, chak fwa yo Gade jan sitiyasyon an ap degringole sou Léon Charles. Yon DG ki, daprè anpil sitwayen, plis ap jere koze politik pase koze administratif, sa ki lakoz enstitisyon PNH la fè plizyè moso.
Jeff Jean Joseph
