Nan yon nòt Nonsyati apostolik la bay alèt sou plizyè endividi movèz fwa ki fè tèt yo pase pou Monseyè Eugene Martin Nugent, nan lide pou pran kòb nan men moun ak enstitisyon nan peyi Dayiti.
Malfra yo ap mande pou fè transfè lajan pou ede peyi Dayiti ak Afrik epi y ap ranbouse w pa laswit. Yo aji avèk adrès elektwonik [email protected] pou poze zak malonèt sila, nan yon langaj ki prèske sanble ak pa Monseyè Eugene Martin Nugent.
Nonsyati apostolik la mande popilasyon an ak enstitisyon yo ki nan peyi Dayiti fè anpil pridans, epi kontakte yo san pran tan nan adrès yo ri Pouget, Mòn Kalvè Petyonvil, si yo ta resevwa yon mesaj konsa.
Pooshy Rosana
