Plizyè gwo pyon nan peyi Kanada mande premye minis peyi a, Justin Trudeau, sispann sipòte Jovenel Moïse sou pouvwa a. Pami yo, ansyen anbasadè Nasyonzini an Stephen Lewis, otè Naomi Klein, pwofesè Noam Chomsky, pou n site sa yo sèlman, fè konnen manda “Nèg bannann nan” fini depi 7 fevriye pase.
Nan yon lèt piblik ki pote siyati plis pase 100 inivèsitè, atis ak militan, pèsonalite sila yo deklare dirijan PHTK a nan tèt ekzekitif la ak pi fò lòt enstitisyon peyi Dayiti alòske l pa prezidan ankò.
Pwotestatè yo ap depoze fòmèlman lèt piblik la nan biwo minis Afè etranjè yo, Marc Garneau, vandredi 19 fevriye 2021 an, epi y ap tou òganize yon rasanbleman avèk Solidarité Québec Haïti ak Mouvement québécois pour la paix.
Pooshy Rosana
