Ayè lendi 11 mas la, 786 polisye ki sòti nan 33e pwomosyon PNH la gradye. Aprè 4 mwa ap pran fòmasyon nan lekòl polis la sou Wout Frè a, nouvo kòwòt sa a ki gen 112 fanm ladan l angaje yo pou al pwoteje ak sèvi popilasyon an. Frantz Elbé mande jèn polisye sa yo pou yo konbat gran banditis la nan peyi a sou tout fòm.
33e pwomosyon PNH la sòti nan yon moman kote non sèlman gang ap touye polisye men tou nan yon moman kote anpil komisarya, sou-komisarya ak antèn polis anba kontwòl teworis yo.
