Direksyon Jeneral Migrasyon (DGM) nan Repiblik Dominikèn anonse depòtasyon anviwon 50 ayisyen atravè fwontyè Pedernales, nan kad operasyon kontwòl migratwa otorite dominiken yo ap mennen. Pami moun yo te depòte yo, gen 5 Ayisyen otorite yo akize dèske yo t ap itilize aplikasyon WhatsApp pou pataje enfòmasyon sou mouvman ajan Migrasyon yo ak operasyon kontwòl migratwa yo. Daprè medya dominiken yo, youn nan gwoup WhatsApp yo rele « Groupe Haïti » e li ta genyen plizyè santèn manm.
Moun yo site nan dosye a se Wlkin Pierre, Wilga Enord, Elitone St Denord, Calite Jean ak Shile Chardles. Daprè Telemicro, yo te remèt 5 moun sa yo bay otorite ayisyèn yo nan zòn Ansapit, sou fwontyè ant de peyi yo.
