Daphinis ak Alain Joseph ki gen 51 ak 35 lane jwenn arestasyon yo nan depatman Sant peyi Dayiti wikenn pase a. Daphinis se youn nan bandi ki fè pati 400 mawozo ki konn detounen kamyon machandiz e Alain li menm, se te antèn bandi yo li te ye anba yon ponp gaz nan komin Kwadèboukè. Pou kouwè l ye la a, mesye yo nan men Lapolis ap reponn kesyon.
Kote yo arete yo Mibalè a, se yon kòb yo t al dèyè aprè yon machin kèk bandi parèy yo te detounen. Se sèvis Kominikasyon PNH la ki pibliye enfòmasyon sa a sou paj Facebook li. N ap raple jiskaprezan gang 400 mawozo a toujou ap simen latwoublay nan Kwadèboukè ak zòn ki anviwonnen l yo.
