Ansanm sektè ki te siyen akò ak Ariel Henry pou vini ak Konsèy Nasyonal Tranzisyon an chwazi madanm Mirlande Hyppolite Manigat, Laurent St Cyr ak pastè Calixte Fleuridor pou al pran syèj nan tèt estrikti sila a. 3 pèsonalite sa yo ap gen pou enstale avan lontan selon enfòmasyon nou ka fè konfyans. Nou dwe sonje sa gen kèk tan depi klas politik la te deja ap fè monte desann pou jwenn yon konpwomi pou yon sòti kriz.
Konsèy Nasyonal Tranzisyon sa a, poko gen twòp enfòmasyon sou ki veritab travay li pral gen pou fè. Sèlman daprè anpil moun k ap pwojte kòmantè yo, KNT sa a ta dwe debouche sou yon sòti kriz si aktè yo respekte tèt yo.
