Fritz Gérald Jean Rivière mete bout nan lavi li jounen lendi 12 desanm 2022 a. Dram sa a pase nan zòn Site Militè daprè enfòmasyon jij de pè Dèlma a, Garry Coupet bay sou sa. Se li menm ki t al fè konsta legal kadav polisye ki afekte ak inite CIMO a e aprè li bay lòd pou leve rès ajan an. Pa ko gen enfòmasyon ki disponib sou rezon ki fè polisye sa a mete fen ak lavi li a.
Swisid se youn nan ka ki pa souvan repete nan mitan kò polis la an Ayiti. Fanmi polisye sa a ak frè zam li yo poko bay twòp detay sou sa ki pase a. Kèk lòt moun swete yo fè otopsi kadav la pou konnen reyèlman sa ki pase a.
