Lendi 2 janvye 2023 ki sot pase la a, bandi kidnape pastè Smith Mathurin ak tout chofè l alòske yo te abò yon Nissan patrol koulè blanch, plak LO: 01159. Smith Mathurin se pastè Legliz “Corps de Christ” Chalon e li se yon sosyològ tou. Lè yo te anlve l la, madanm li ak kèk lòt moun ankò te nan machin nan men yo te lage yo menm sware a. Jiskaprezan, yo pa gen nouvèl pastè a ak tout chofè a.
Fanmi pastè a mande ravisè yo pou yo lage pastè a paske pou yo li se yon sitwayen trankil e ki renmen peyi l. Pastè Smith Mathurin gen yon lekòl Bèlvi, 3e seksyon komin Ti Rivyè Nip. N ap raple Smith Mathurin te depite tou pou sikonskripsyon Payan/ Ri Rivyè Nip.
