Avèk Himmler Rebu nan tèt li kòm chèf delegasyon an, yon ekip ekspè nan sa ki gen pou wè ak sekirite te fè yon rive nan Palè Nasyonal jounen lendi 22 avril la. Yo t al vizite tout perimèt sekirite ki genyen nan zòn kote Konsèy Prezidansyèl la pral enstale a, daprè Métronome. Delegasyon sa a pral soumèt yon rapò bay manm KP yo epi y ap deside sou kilè Konsèy la pral enstale.
Konsèy Prezidansyèl la ap fè anpil preparasyon nan moman an pou enstalasyon l men n ap sinyale Viv Ansanm toujou ap simen latwoublay nan diferan kwen anba lavil la.
