Nan menm kad mouvman leve kanpe ki te genyen mèkredi 7 septanm nan, yon ekip manifestan move kou kong te tante antre pran André Michel lakay li nan Tomasen 37. Lapolis ki te sou plas, reyisi sove ak mèt la pou foul la pat fini avè l. André Michel kite lakay li ak tout fanmi l pandan anpil kout bal ap tire, gaz lakrimojèn simen pasi pala.
André Michel, youn figi nimewo I opozisyon politik la sou ansyen prezidan Jovenel Moïse, pa ka pran lari a jodi a paske li nan gouvènman l. Yon sitiyasyon ki tounen kont lidè SDP dechire a paske anpil militan swaf li pou fini avè l, daprè anpil temwanyaj nan lari a.
