Otorite Sendomeng yo voye pa bann ak pa pakèt an Ayiti Ayisyen ki pa ta gen papye. Depi koumansman mwa janvye 2022, gen plis pase 7491 Ayisyen yo pimpe nan peyi Dayiti, dapre Gwoup k ap Apiye Rapatriye ak Refijye (GARR). Pami migran sa yo, GARR di li konte 1,050 fanm, 6,099 gason, 186 tifi ak 156 ti gason, dapre detay GARR bay nan yon tweet lendi 11 jiyè 2022 la.
GARR di li gen tèt chaje douvan fason flonn rapatriman sila yo ap fèt. Nan anpil ka, militè dominiken yo separe fanmi yo, yo pa ba yo tan pou yo ta prezante dokiman yo, yo pa ba yo nonplis pyès avètisman pou yo ta ka di fanmi yo kichòy ou byen pou yo ta ka pase men pran byen yo te travay pou yofè.
GARR mande gouvènman ayisyen pou li fè kichòy pou fè respekte dwa ayisyen yo k ap viv nan Sendomeng ki pataje yon menm zile ak peyi Dayiti.
