Elmita Jean, madanm Ti Gaby, yon bandi ki fè pati gwoup gang Vitel’Homme ap dirije nan Tòsèl la jwenn arestasyon l nan blòk Pènye, komin Petyon Vil. Elmita Jean anba kòd akoz li enplike nan asasina polisye, kidnaping ak asosiyasyon malfèktè. Madanm Ti Gaby, pou kounye a, yon kote pou machin pa frape l e l ap reponn kesyon otorite polisyè yo.
Gwoup gang Vitel’Homme ap dirije nan Tòsèl la gen anpil moun ki patisipe jouk nan zo ladan l. Fanm kou gazon alye yo ak baz malveyan sa a pou simen twoub nan mitan popilasyon an. PNH la pwomèt pou kontinye trake yo atravè nouvo plan sekirite li dispoze a.
