Ricard Pierre, minis planifikasyon e fanmi SDP, Enold Joseph, minis defans, Bertho Dorcé, minis jistis ak Litz Quitel minis Enteryè se non 4 chèf sa yo ki tonbe anba sanksyon ameriken alòske y ap jwe gwo wòl nan peyi a. Minis sa yo ki te siyen pou blan antre Ayiti pou vin konbat gang pat janm gen sant santi bon paske yo nan dosye louch nan peyi a, sa vle di yo nan gang daprè ameriken.
Depi yè jedi a, te deja gen rimè k ap kouri pou fè konprann pral gen chanjman nan gouvènman sa a. Aprè revokasyon 4 minis sa yo pou zak malonèt, anpil moun nan popilasyon an pwopoze pou yo ta mete yo yon kote pou machin pa frape yo.
