Yon pwolongasyon pou 14 mwa ankò, se konsa dokiman sou konsansis nasyonal ki siyen mèkredi 21 desanm 2022 a bay Ariel Henry dwa pou kontinye avanse tèt dwat nan desizyon li yo. Daprè dokiman sila a, nan lane 2023, doktè a ap òganize eleksyon pou li ka remèt pouvwa a bay moun vèdik yo ap bay dwa pou sa a. Sa ki vle di Ariel Henry fenk kare chèf.
Depi aprè asasina Jovenel Moïse la nan mwa jiyè 2021, Claude Joseph, ansyen premye minis te pase mayèt la bay Ariel Henry ki li menm te deja chwazi pou vin premye minis depi avan lanmò Jovenel la. Malgre tout briganday ki gen nan peyi a, se kòmsi tout bagay t ap byen mache jiskaske li renouvle manda l.
