Sitiyasyon an pliske konplike pou moun ki abite Tòsèl, Pènye ak zòn ki anviwone yo. Anpil moun ki abite nan zòn sa yo oblije kouri kite kay yo akoz gang Vithelome ap dirije a antre lakay yo, piye, kraze brize, kidnape e menm touye moun. Pou jounen madi 11 oktòb la, anpil nan zòn sa yo dezète.
Daprè sa kèk rivren nan zòn nan rapòte, dega yo pliske konsiderab nan plèn nan. Depi vè 2 zè maten an, bandi yo t ap feraye kote anpil kout zam t ap chante pasi pala. Jiska prezan, popilasyon sivil la lage de bra pandye e fòs lòd yo parèt enpuisan parapò ak zak malfra yo.
