Reprezantan Fanmi Lavalas nan Konsèy Prezidansyèl la pa sispann fè yon seri revelasyon chòk. Nan mikwo France 24, li deklare fòs etranje k ap vin Ayiti yo ap antrene polisye ayisyen yo pou yo ka al atake gang yo men se p ap wòl fòs miltinasyonal la pou fè sa. Misye deklare pou ofisye etranje yo tire sou bandi se si se bandi ki atake yo. Èske se yon bagay serye Leslie Voltaire di a oubyen se yon langaj kòde?
Depi plis pase 3 lane, Ayiti ap soufri anba men gang, Lapolis pat janm ka fè anyen. Kòman Lapolis pral atake gang jan Leslie di l la sitou lè n konsidere wo kòmandman PNH la nan konplo a tou?
