Jounen samdi 20 avril 2024 sa a, chanm Depite a nan peyi Etazini vote yon pwopozisyon lwa ki la pou entèdi aplikasyon TikTok nan peyi a si l pa koupe relasyon li ak Lachin. Responsab ameriken yo akize TikTok ki pèmèt Lachin espyone ak manipile anviwon 170 milyon ameriken k ap itilize rezo sa a. Sena ameriken an dwe vote tèks sa a sou bò pa l semèn k ap vini la a.
Se 360 depite, Demokrat kou Repibliken, ki vote pou pandan 58 lòt vote kont pwopozisyon lwa sa a ki sou wout pou entèdi TikTok fonksyone kay Tonton Sam.
