12 gwo zam manch long, 14 pistolè 9mm ak 999 katouch ak 34 chajè, se kantite zam ak minisyon Lapolis nan tèt kole avèk administrasyon dwàn Okap la sezi jounen vandredi 5 avril la. Bilan sa a se yon bilan pwovizwa daprè sa fòs lòd yo fè konnen pandan yo anonse operasyon fouy sa a poko fini. Sèlman yo pa anonse si yo fè arestayon.
Okenn avyon pa vole, gen difikilte pou bato antre pote manje nan kèk pò nan peyi a, pandan tan sa a, Etazini ak Sendomeng kontinye ap kreye mwayen pou zam antre nan peyi d Ayiti.
