Polis Nasyonal la anonse gras ak sipò UDMO ak bakòp nan Senmak, yo rive libere 4 moun bandi te anlve nan Dig, yon lokalite nan komin Lyankou 10 janvye pase a. Viktim yo te nan wout pou ale depoze yon lajan Labank lè sa rive a. Daprè Lapolis fanmi moun sa yo ta nan konplo sa a daprè pis enfòmasyon yo genyen paske selon ankèt yo, gen nan fanmi moun yo kidnape yo ki te an kontak ak 3 nan bandi yo e se angaje yo ta angaje yo pou komèt zak malonèt sa a.
Gras ak entèvansyon UDMO ki te jwenn sipò popilasyon Lyankou a ak sipò polisye nan komin Sèlman, yo rive libere otaj yo. Aprè kidnaping nan, toujou daprè Lapolis, bandi yo te pran lari ak zam nan men yo pou bare wout pou polisye yo pa rive kote yo te sere otaj yo.
