Sitwayen ki rele Gladymir Joseph ajan BLTS ak DCPJ arete ayè nan Ayewopò Okap la se pa « Dèdè ». « Se yon gwo erè polisye yo fè lè yo konfonn mwen ak yon lòt moun, mwen pa nan gang », se sa sitwayen an anonse maten vandredi 5 avril la. Jenn gason 38 lane sa a PNH la akize kòm 3yèm chèf gang Savyen an ki se Dèdè, li deklare se manti Pandan l nan gadavi a nan vil Okap.
Èske Lapolis ap remèt sitwayen an tikè avyon li fin peye byen chè a? Kisa yo pral fè pou lave imaj jenn gason sa a ki gentan pibliye sou tout rezo yo? Sèvis ransèyman PNH la dwe plis pwofeyonèl antouka.