Ak 36 rekòt kafe sou tèt li, Lerby Belus se non yon jenn gason ki jwenn arestasyon l nan peyi Dominikani poutèt li ta fè pati gang 400 mawozo, ki chita kò l nan komin Kwadèboukè. Polisye dominiken yo mare misye ak tout yon lòt ayisyen yo pa idantifye toutfwa. Endividi sa te nan yon Hyundai Sonata toujou daprè detay ki bay sou doub arestasyon sila a.
Fwontyè ki separe 2 peyi yo kidonk Ayiti ak Sendomeng toujou sèvi ranpa pou pèmèt anpil chèf gang ki sot Ayiti al pran refij yo lakay vwazen. Se detanzantan yo mete youn anba kòd swa sou fwontyè a oubyen an Repiblik Dominikèn menm.
