Clairzier Emase youn nan 142 fanm ki te sove nan prizon sivil Akayè a jwenn arestayon l maten jedi 18 avril la, tou prè fwontyè Elias Pina daprè yon medya dominiken. Aprè yo fin arete l, lame dominikèn remèt li bay otorite polisyè yo nan peyi d Ayiti. Evade prizon sa a te gen plizyè gwo dosye sou do l tankou asasina ak trafik dwòg. Manzè t ap eseye sove pou l t al kache lakay vwazen.
DCPJ voye fich teknik anpil prizonye bay Lapolis Dominikèn ak Lame Dominikèn ki sou fwontyè a pou ede yo siveye moun ki te nan prizon Ayiti pou move zak k ap eseye sove. Se nan sa a yo poze lapat sou Emase.
