Li gen 57 rekòt kafe sou tèt li, non l se Jean Wiltène Eugène e l se yon ameriken ki gen orijin ayisyèn. Lapolis te arete l an 2024 pou trafik zam. Ayè mèkredi 23 jiyè 2025 la, misye kondane pou l pase 2 lane ak 6 mwa dèyè kat miray, l ap peye 20 mil dola kòm amand. Mouche Wiltène rekonèt ant 2020 ak 2021, li te voye 9 zam nan peyi a e li te mete yo nan dwoum ki gen manje epi anbake yo nan 2 machin li t ap voye Ayiti.
Aprè li fin jemi pèn sa yo, l ap pase 2 lane ankò anba kontwòl ajan federal ameriken.
