Komisè egzekitif pou refòm polis nasyonal nan peyi Dominikani ki se José Vila del Castillo fè konnen kòripsyon fin wonje enstitisyon polisyè a. Sòti depi nan Direksyon Jeneral jous rive nan pi ba nivo a, tout antite yo t ap tranpe nan move zafè. Daprè M. Castillo, si yon moun pa dakò, yo transfere w nan lòt ti biwo oubyen yo pèsekite w. Se prezidan Luis Abinader ki vin mete yon fren nan deriv sa yo daprè ekspè a.
Se pandan Luis Abinader rive sou pouvwa tout pwomosyon ki bay nan Lapolis dominikèn fèt pwòp ak nan tout transparans. Depi plizyè dizèn lane sa te konn fèt trè mal. Kòripsyon ki te anndan Lapolis la, li enstitisyonèl epi li te enplike tout sistèm nan daprè José Vila del Castillo.
