Minis Jistis ak sekirite piblik peyi Dayiti a, Bertho Dorcé ekri komisè Jacques Lafontant pou l di l li resevwa yon lòt plent kont li ki sòti bò kote premye minis Ariel Henry Henry. Plent sa a pwouve komisè a nan kòripsyon ak abi otorite. Poutèt sa, mèt Dorcé di komisè a li revoke pou fot administrativ grav daprè atik 188 tirè 4 dekrè 17 me 2005 lan. Se komisè gouvènman Okay la mèt Ronald Richmond ki ranplase l nan pòs sa a.
Chèf nan peyi Dayiti yo pa sispann patisipe nan move zafè. Komisè gouvènman Pòtoprens lan te toujou konn gen soupson sou li kòmkwa li ta itilize pozisyon l pou fè fwod ak lòt dega nan aparèy jistis la. N ap raple menm Bertho Dorcé sa a ki revoke komisè a, ameriken koupe viza l akoz li nan konfyolo ak gang.
