Nan yon kominike gouvènman ameriken an mete deyò ayè mèkredi 8 me a, yo fè konnen y ap fè tout preparasyon pou debake fòs miltinasyonal la nan peyi d Ayiti kote gang ap ravaje e ki gen yon grav kriz imanitè. Pou sekirize travay konstriksyon baz pou loje twoup etranje yo, Etazini voye plizyè militè nan peyi d Ayiti pandan jounen sa a. Yo te debake ak gwo zam nan men yo nan Ayewopò Entènasyonal Tousen Louvèti.
Se anviwon 100 vòl k ap fèt sou Ayiti nan jou sa yo e tout se materyèl ak ekipman y ap pote pou debakman militè ak polisye etranje yo sou beton an.
