Nèg ak gwo zam fann fwa kidnape Patrick Zuraik ak tout madanm li nan Dèlma 48 madi 8 novanm nan byen bonè nan maten. Daprè enfòmasyon kèk temwen ki te sou plas rapòte, nèg yo pase anpil tan ap tire sou machine nan anvan yo pran l. Se yon machin blennde, yo pèse kawotchou e ale ak koup la.
Viktim yo te abò yon Jeep koulè nwa imatrikile AA 39961. Dènye jou sa yo, zak anlèvman yo parèt pil sou pil nan kapital peyi Dayiti ak komin ki anviwonnen l yo. N ap raple nan komin Taba, bandi yo te anlve 2 pwofesè inivèsite nan jou pase yo.
