Blennde tou nèf ki fenk vin jwenn PNH la tonbe an pàn pandan l an operasyon nan Tèminal Vare a. Selon enfòmasyon yo, se paske l te resevwa plizyè katouch yè vandredi a, kawotchou yo vin lòk ki lakoz sa. Se pandan polisye yo t ap tire ak bandi ki fè pati G9 an fanmi e alye yo, blennde sa a rive pran pàn e se remòke yo oblije remòke l. Polisye yo toujou gen kontwòl espas la malgre nouvo atak gang yo.
Aprè anpil bri ki fèt ayè vandredi a kote Harisson Ernest te deklare se li menm ki te negosye ak Babekyou bò kote gouvènman an pou libere Tèminal la, sanble bagay yo vire. Bandi yo retounen atake fòs lòd yo, sa ki lakoz youn nan blennde yo pran frap.
