Kesnel Petit, se non pitit gason Toto ki se yon pworiyetè bòlèt bandi kidnape Laboul madi 25 oktòb la nan aswè. Selon enfòmasyon ki disponib yo, jenn gason an te gen antèn sou li depi bon moman avan zak la fèt la. Avan, pandan e aprè anlèvman sa a, anpil moun nan te gen gwo kè sote e menm machin prèske pat frekante wout sa a.
Depi kèk tan gen yon konfli tè k ap bay pwoblèm nan anviwonnman Laboul, Fesa ak Taraz. Lese frape sa a ant chèf gang Ti Makak ak Toto deja lakoz anpil moun pèdi lavi yo nan zòn sa yo. Depi kèk jou, antre Dezire nan Laboul 12 se prèske yon pasaj entèdi.
