Jounen mèkredi 7 septanm nan plizyè milye moun te foule beton an nan tout peyi a pou denonse lavi chè, egzije pou gaz disponib nan ponp yo. Nan Petyonvil, Lapolis tire plizyè bal kawotchou, jounalis pran bal, plizyè moun blese patou nan peyi a.
Moïse Jean-Charles te prezan nan manifestasyon an kote l te kontinye mande pou dola a desann e pou gaz disponib nan ponp yo. Devan rezidans ofisyèl premye minis la, Lapolis te pran gwo dispozitif pou anpeche pwotestatè yo pase fritrasyon yo. Daprè manifestan yo, se Ariel Henry ki lakoz peyi a nan eta l ye la a.