Bandi ak zam kontinye simaye latwoublay anndan peyi a. Binjamin Johanne, Sophia Jean Philippe, Rehanna Christina Emmanuelle, se nom 3 jenn demwazèl manm yon sèl fanmi, bandi kidnape epi sekestre nan lannwit samedi 14 novanm 2020 an nan zòn Delma 95.
« Kidnapè yo mande fanmi an gwo lajan pou libere demwazèl yo, yon sòm yo pa genyen, si non yo t’ap gentan bay li pou liberasyon demwazèl yo » se deklarasyon yon manm nan fanmi an fè sou RCH200.
Nap souliyen, Delma se youn nan komin dènye jou sa yo plis ka kidnapping anrejistre lajounen tankou lannwit.
Jeff Jean Joseph
