17 peyi pami yo Ayiti ki nan OEA vote pou yo rejte rezilta eleksyon yo nan peyi Venezyela. Gen 11 lòt peyi ki deside pa vote ni pou ni kont dezisyon sa a. Vòt kont sa a gouvènman ayisyen bay peyi Venezyela a soulve kòlè anpil ayisyen sou rezo sosyal yo. Se anpil pawòl piman bouk k ap lanse kont anbasadè ayisyen ki nan OEA a. Gen peyi tou ki te deside pat mete pye yo nan reyinyon ekstraòdinè sa a ki t ap fèt kont Venezyela a pami yo Meksik paske li twouve sa pa gen okenn sans.
Se yon ensil kont souverènte Ayiti daprè anpil konpatriyòt ki twouve responsab yo nan peyi d Ayiti ale twò lwen nan kite Etazini ap trennen yo nan tout tchanpan.
