Sòti 23 pou rive 26 me 2024, anviwon 400 ofisye kenyan ap gen pou debake nan peyi a. Daprè sa ki di y ap vin sekirize Ayewopò a, Palè Nasyonal epi rès yo ap nan lòt pwen estratejik yo. Se yon gwoup ofisye elit ki sòti nan eskwad “Recce, Rapid Deployment Force ak Special Operation Group”. Mesye sa yo te konn mennen konba kont gwoup teworis al-Shabaab sou fwontyè Kenya ak Somali.
Daprè enfòmasyon Miami Herald bay, rès twoup yo ap rive nan mitan mwa jwen ak jiyè e se sitou sòlda k ap sòti nan lòt peyi ki te pwomèt soutyen yo pou fòs la.
