Bryan Boyer se non ti gason 4 lane sa a Patricia Saintizaire bat jiskaske l touye l tandiske se adopte li te adopte l. Manmzèl gen 36 lane, ti gason an te antre al jwenn li nan peyi Etazini ane pase nan zòn Davenport nan Eta Florid. Nan yon videyo Lapolis jwenn, yo wè manman chòche a te mare ti gason an 2 bra dèyè epi li lage l nan yon pisin ki dèyè kay kote li abite a. Li konn bat ti gason an anpil nan lestomak toujou selon sa Lapolis rapòte.
Patricia Saintizaire nan men Lapolis pou kounye a epi ankèt la ap kontinye. N ap raple se Lopital ti pitit la al rann dènye souf li.
