Rezo sa a fonksyone menm jan ak yon gwoup gang. Yo rele w nan telefòn, ba w tout enfòmasyon sou yon moun menm fanmi avèk ou epi yo di w li kidnape pou voye lajan ale. Yo bay moun anpil presyon nan sans sa a pou w ka voye lajan ba yo. Rezo fosè sa a, youn nan nimewo li itilize se 33 55 44 57. Gen anpil moun ki viktim deja anba malfektè sa yo.
Anake moun sou rezo yo se yon bagay ki vin trè frekan dènye jou sa yo nan divès kwen nan peyi a. Fòk tout moun trè pridan ak vòlè sa yo k ap chache tout mwayen pou fè lajan sou moun.
