Jij enstriktè Edwige Dorsainvil mande pou ansyen senatè Plato Santral la, Rony Célestin ak tout majistra meri Mibalè a, Lochard Laguerre al jije devan Tribinal Kriminèl poutèt yo enplike jouk nan zo nan zak asasina ki te fèt sou jounalis Néhémy Joseph, jou ki te 10 oktòb 2019 la. Gen 6 lòt moun ankò jij la mande ki dwe jije nan kad dosye sa a.
N ap raple enstriksyon sa a sòti depi kèk jou men li pat ko piblik. Jij Edwige te oblije kite peyi a akoz menas y ap fè l nan dosye a. Kanta Gary Pierre Paul Charles, patwon radyo Scoop la, jij la di li pa jwenn prèv kont li nan dosye asasina konfrè jounalis la.
