Pi fò moun ki pral konpoze Konsèy Prezidansyèl sila a te genyen oubyen toujou gen akwentans ak Lavalas. Fritz A. Jean, Louis Gérald Gilles, Lesly Voltaire tout se alye Lavalas. Moïse Jean-Charles ki voye moun se ansyen Lavalas. Nan yon fason oubyen yon lòt, tout mesye sa yo se Aristide ki te bòs yo nan yon tan e genyen ladan yo li toujou bòs yo.
Si gen netwayaj k ap fèt se sèlman agwonòm Régine Abraham (REN) ak Laurent St-Cyr ki sòti nan sektè prive a ki pa ladan l. Aprè sa se menm moun yo ki retounen. Tout jan w vire Konsèy Prezidansyèl la, se Lavalas ki domine l. Raple nou se menm moun sa yo ki te di yo p ap janm chita sou menm tab ak PHTK.
