Pòt pawòl kowalisyon gang ki rele Viv Ansanm nan, Babekyou nan yon deklarasyon fè konnen fòk yo dyaloge avèk yo. Daprè sa l di, si gen dyalòg, nan yon mwa tout bagay ap dous nan peyi a men si pa gen dyalòg, anpil san pral koule. Nan menm entèvansyon sa a, chèf gang ba Dèlma a voye yon pinga bay tout Anbasad yo k ap foure bouch yo nan zafè peyi d Ayiti e yon lòt bò li akize oligak yo k ap antre zam nan peyi a.
Viv Ansanm deside pou mete gwo baryè devan Konsèy Prezidansyèl la si pa gen dyalòg ki fèt avèk yo. Menas k ap fèt yo kapab trè fatal pou peyi a, si pa gen bon jan mezi ki pran rapid pou frennen sa.
