Seremoni enstalasyon an ki te dwe fèt mèkredi k ap vini la a sou wout pou repòtè daprè kèk sous pwòch Konsèy Prezidansyèl la. Nan moman komisyon sekirite a t al vizite Palè Nasyonal la pandan jounen lendi a, yo te temwen gwo echanj kout zam ki te genyen ant Lapolis ak bandi yo sou Channmas la. Nan sans sa a, gen anpil posiblite pou enstalasyon an pa fèt nan Palè Nasyonal. Yo menm kòmanse pale de Vila d Akèy ki nan Miso a.
Manm Konsèy Prezidansyèl yo nan gwo kouri poutèt sekirite yo paka jwenn pou pèmèt enstalasyon yo fèt. Se yon gwo wont pou moun ki di y ap bay sekirite nan peyi a.
