Aprè yon rankont ki te genyen ayè jedi a ant manm Konsèy Prezidansyèl yo, premye minis pou yon ti bout tan an, Michel Patrick Boisvert ak Frantz Elbé, gen anpil pwomès ki fèt. Pami pwomès sa yo, se Frantz Elbé, DG Lapolis ki garanti l ap pran bon jan dispozisyon pou sekirize enstalasyon manm Konsèy Prezidansyèl yo jan sa dwe ye nan jou k ap vini la yo. Se youn nan manm Konsèy yo ki pataje enfòmasyon sa a ak laprès.
Nou remake gen anpil netwayaj k ap fèt nan zòn Channmas ak nan paraj Palè Nasyonal depi nan mitan semèn nan. Rete pou konnen ki jou egzat Konsèy la ap pran pòs.
