9 manm yo mèt kòmanse prepare kostim yo, arete ki pote kreyasyon ak òganizasyon Konsèy Prezidansyèl tranzisyon an pibliye ofisyèlman nan jounal ofisyèl peyi a ki se « Le Moniteur ». Arete sila a ki gen 13 atik pote sinyati tout manm gouvènman demisyonè ki gen Ariel Henry nan tèt li. Rete pou konnen kilè e kòman Konsèy Prezidansyèl la pral enstale.
N ap raple gen anpil tolalito ki fèt avan dekrè sa a pibliye e jiska ayè jedi a, nou aprann se dènye revizyon blan meriken t ap fè ki fè dekrè a pat ko rann piblik.
