117 dominiken ki t ap kwoupi dèyè kat miray nan peyi Etazini, sèvis imigrasyon amerikèn pimpe yo tounen Sendomeng. Yo te nan prizon pou trafik dwòg, agresyon, vyòl, asasina ak plizyè lòt krim ankò. Nan 117 prizonye sa yo gen 9 fanm aprè sa rès yo se gason. Dominiken sa yo te vyole lwa imigrasyon amerikèn yo tou, daprè jounal Listin Diario. Se nan semèn sa a Etazini depòte ansyen prizonye sa yo.
Sòti janvye pou rive mwa mas 2024 la, daprè done Ayewopò Las Americas bay jounal Listin Diario, se anviwon 700 prizonye Etazini depòte aprè yo fin sibi pèn yo.
