Jean-Pierre Anthony alyas “Palaki” ki se dezyèm chèf gang Team H nan lokalite Mòn Oje, nan depatman Sidès anba kòd. Se Lapolis nan Sidès ki fouke towo sa a ayè jedi 4 avril la pandan yon operasyon. Gang Team H la se yon sèten Herby Guerrier k ap dirije l. Kanta Palaki li menm, chèf akizasyon l yo se kadejak, asasina, tantativ pou mete dife, asosiyasyon malfèktè pou n site sa yo ase.
Lapolis t ap bouske Palaki tankou zepeny ti tèt nan depatman Sidès la pou tout sa yo repwoche l yo. Kounye a li yon kote pou machin pa frape l annatandan yon jij tande l.
