Nan yon videyo chèf gang nan fè kote li chita ansanm ak Youtuber ameriken an ki se Addison Pierre Maalouf ak tout ayisyen ki te avèk li a, Lanmò san jou fè konnen li libere mesye yo. Nan menm videyo sa a, chèf bandi k ap dirije 400 mawozo a fè mesye yo pale kote ya p eksplike bandi yo pat fè yo anyen. Mesye sa yo rejwenn libète yo pandan jounen samdi 30 mas la aprè vèsman 40 mil dola vèt pwoch yo te bay.
Pou rapèl, sou 600 mil dola asasen yo te mande a, nou aprann se 40 mil dola pwòch viktim yo te bay gang nan. Addison Pierre Maalouf ta pral fè entèvyou ak Babekyou lè yo te kidnape l la.
