Wo Komisarya Nasyon Zini pou Dwa Moun fè konnen, sòti 1e janvye pou rive 29 fevriye 2024 sa a, gen 1436 moun ki pa gen anyen pou wè ak gang ki viktim: 686 ladan yo mouri, 371 blese e 379 lòt kidnape. Nan menm peryòd sa a, gen 695 bandi ki mouri osinon blese toujou daprè Wo Komisarya Nasyon Zini pou Dwa Moun sa ki bay an total 2131 viktim.
Selon òganizasyon sa a, chif sa yo depase 40% moun ki viktim pa rapò ak 2 mwa avan yo. N ap raple selon OIM, sòti 8 pou rive 20 mas 2024, gen anviwon 33 333 moun teworis yo fòse kite Pòtoprens pou ale an pwovens.
