“Depi plis pase 30 lane nou kanpe la n ap bay kout men ak Ayiti kote kriz imanitè, politik ak sekirite a vin pi grav chak jou ki pase. Malgre presyon n ap fè sou gouvènman ayisyen an, yo pa janm pran kriz peyi a o serye. Se zafè pa yo y ap regle”, nou t ap site deklarasyon Justin Trudeau, premye minis kanadyen an te fè yè lendi 31 jiyè a nan vil Towonto.
Daprè Justin Trudeau, ni gouvènman ayisyen an ni klas politik la, yo youn pa bay valè ak sa k ap pase an Ayiti a. Si fanm ak nèg k ap fè politik isit te konn wont, yo ta dwe tou foure tèt yo yon kote.
