Kantite polisye ki mouri nan atak bandi yo nan komin Lyankou nan depatman Latibonit pase a 7. Dènye grenn sa a ki ajoute sou 6 lòt yo mouri lopital paske l te resevwa yon bal nan do. Daprè DDA Jean Bruce Myrtil, operasyon sa a se tout antite nan komisarya Lyankou a ki te ladan l e aprè yo te vin jwenn sipò Gonayiv. Jis kounye a, kadav polisye yo nan men bandi yo.
Ak anpil dezolasyon nan vwa l, Direktè Depatmantal Polis Latibonit la tante rasire polisye yo. Polisye yo t al refijye yo nan yon dispansè abandone e se la zago loray yo t al pran yo.
